Saida mak akontese iha tinan 20 mai oin, keta estrada iha Farol (Mercusuar), ka agora bolu Light house nia oin bele lakon ka naben karik, iha ona sinal nebe ita bele hare wainhira liu iha Embaixada Thailandia nia oin ba iha Mercusuar tasi ben komesa baku to;o iha estrada nebe estadu komesa hadia dala barak ona tamba tasi ben estraga no halo kuak estrada nomos halo inundasaun. Foto iha leten autor hasai iha 1988, nebe hare katak tinan 20 liu ba aihun sira se barak iha moru estrada farol nian no iha raihenek leten sei iha du'ut nebe moris buras no rai husi moru ba tasi ben do'ok Foto seluk hatude nebe hasai iha 2009. Agora ita bele dehan tasi ben komesa sae mai iha estrada no aihun sira ne'e ita la hetan ona. Autor ka (penulis) nebe mos hanesan eis Technical Trainer UNDP nian ba NDMO ne'e hare katak governu seidauk halau didiak programa National Dizaster Management Plan nebe iha ona desde 2003 no aprova iha 2004. Hare husi inundasaun nebe mak hanesan parte ida husi dijastre naturais presija hare didiak no integradu. Ita mos prisija iha sistema Early warnning System (peringatan dini) ida mak dehan integradu iha institutu estadu nian hanesan telekomunikasaun/meteorologia ka iha mos intelijencia estadu nian, i ne'e importante tebes ita labele hetan deit infomasaun kona ba cuaca husi meteorologia Australian nian, ne'e bele disastre bo'ot. pm-nic
