Chefe Estado Maior Jeneral F-FDTL Brigjen Taur Matan Ruak Husu Povu Halo Vijilansia Makas ba Terorista

Hanesan hatun husi Jornal Nasional Diario, Brigjen Taur Matan Ruak hato lia hirak ne’e ba Jornalista Kuarta (12/8/09) iha Tasi Tolu Dili. Tuir Brigjen Taur katak terorista problema ida ke iha nasaun ne’ebe deit enfrenta, ita karik hare foin dadauk ne’e iha Indonesia iha problema iha nebe. Dehan katak Timor Leste mos sei la ses an ba ida ne’e nune’e ita hotu sei esforsa halo nusa mak bele asegura estabilidade iha ita nia rai no tenta neutralija actividade sira ne’e. Dehan Brigjen Taur Matan Ruak hanesan O Comandante / Chefe Estado Maior Jeneral das Falintil-Forca Defesa de TL hanoin katak iha instituisaun Estadu ninian nebe toma konta area siguransa ninian, alende forsa nasionais, iha mos forsa internasionais nebe iha ne’e naturalmente Timor Leste nia esforsu tomak halo nusa mak bele minimija ninia aktividade ida ne’e iha TL nia rai, ne’e forma diak para TL reforsa nia vijilansia laos deit instituisaun siguransa nian. Nune’e Brigjen Taur husu husu liliu povu tomak matan moris nafatin ho vijilansia hodi hare ema oin foun ruma ke supeita tenke fo hatene ba Policia para Policia bele foti medida.

Entertantu, husi parte povu (balun) sira nebe hatene no iha esperiensia ka Veteranu das Falintil /klandestina nebe Popular MONITOR konfirma, oin sa hare kona ba statementu O Comandante das F-FDTL ida ne’e haktuir katak; importante mak instituisaun siguransa nasional iha railaran identika ona areas nebe mak mosu bebeik, areas nebe iha teritorio tomak sei iha problema, oinsa estadu hare perigu nebe deit mak iha railaran, ita la presija dehan katak ema oin foun, kuase ita Timor oan hatene malu tamba rai ki’ik habitantes mos laos hanesan Indonesa, maibe institisaun siguransa tenke hatene aktividades iha railaran, hanesan ema barak iha osan, nia atu saida? Nia bele halo buat a’at ruma no atu estraga malu karik presija identifika. Membru kominidade ne’e mos hateten katak Timor oan sira nebe mak uluk halo Petisaun iha F-FDTL iha 2006 neba kuaje 30 resin mak treinadu (RECON), agora ita la hatene sira halo saida para atu moris loron-loron, no ema sira nebe iha osan bele uja sira atu atinji sira nia objectivu ka politika sira nian. La presija suspeitu buat a’at sira ne’e husi rai liur, ita mos tenke hametin siguransa iha area fronteira / portu para ema nebe tama mai kontroladu la iha ema tuir dalan ilegalmente, hatuta kominidade ne’e. Se ita unidade, ita bele halo vijilansia masimu atu ba progresu.
(pm-Ili)

PR Horta apoia deklarasaun PM Xanana kona ba kritika Media Australia

PR Horta apoia deklarasaun PM

Presidente da Republika de Timor Leste Jose Ramos Horta fo apou total ba deklarasaun PM Xanana nebe hasau kontra nasaun Australia tamba bele defende dignidade nasaun Timor Leste. Iha deklarasaun nebe sai husi televisaun Timor Leste-TVTL iha Sexta feira 7/8/09 PM Xanana hasai deklarasaun maka’a ba media Australia nebe kritika nia hanesan Primeiru Ministru ba വി governu konstitusional nebe nia lidera katak nakonu ho krupsaun no nepostmu liliu ba fo kontratu ka tender ba nia oan.
‘Austalia labele halimar ha hau, hau luta 24 anos no ema barak mak mate tamba Australia fo apoiu ba invasaun Indonesia, nufin sira ansina akordu iha aviaun laran ho Menlu Alatas, sira hakarak nauk Timor nia mina, nauk,..nauk ….nauukk , labele kontra hau, nusa mak sira la kualia ba sira nia jornalista sira nebe mate iha Balibo ?..Clinton sei ba hasai sira nia jornalista nebe gastigu iha Korea Norte nebe sei moris ? labele halimar ho Xanana’

Vice Presidente Partido Fretelin, Arsenio Baixao Bano iha nia deklarasaun nebe hatun husi Timor Post 10/8/09 dehan katak, deklarasaun PM Xanana hanesan deklarasaun labarik, tamba ne’e ladun los, etika politika ne’e la dun los dehan Banu wainhira halau reajustamentu Partido Fretelin nian iha Sub-distritu Cristo Rei Becora 9/8/09.

Entertantu Embaixador Australia ba Timor Leste Peter Heyward konsidera estatmentu PM Xanana nebe Timor Post konfirma no hatun iha 12/8/09, katak deklarasaun PM Xanana ne’e sei la fo impaktu negativu ba relasaun amizade entre nasaun rua ne’e. Heyward konsidera estatmentu nebe PM Xanana fo sai laos foin mak hanoin agora, maibe desde tempu akupasaun Indonesia liu ba, tan ne’e nia hateten estatmentu PM Xanana iha media sobre rekursu naturais, dala ruma PM hakarak koalia oituan sobre buat nebe liu ona, tamba ne’e Heyward hanoin PM Xanana prepara no hanoin nanis ona assuntu refere iha tempu akupasaun Indonezia, maske nune’e sei la fo impaktu ba relasaun entre nasaun vizinu rua, dehan Heiward.

Iha fatin seluk, Popular MONITOR husu opiniaun husi Liu Rai Tasi iha Becora nebe hatene oituan no analisa politika Funu Nain Kay Rala, dehan katak, deklarasaun Senhor Primeiro Ministro ne’e iha ‘nuansa’ politika nebe as tebes ita hotu la hanoin hetan parese ke ita nia matenek sira nebe mak agora tur iha PM Xanana nia sorin-sorin mak hatene karik, se la senti an, Xanana nebe funu na’in 24 anos sira iha planu bo'ot hanesan doutor nebe spesialista ba vida moris Rai Timor no nia nia bele dehan profesor ba politika no funu nebe sira hotu liu ona iha tinan hirak ne’e nia laran, nia mak agora hanorin politika ba ita atu lori Timor Leste ba oin wainhira sira deskansa. Agora nia mak ukun lai, tamba nia luta no nia hatene se mak hamutuk ho nia, mesmu agora sira la hamutuk karik ? Mais nia ladun gosta mos nia luta iha ailaran no prizaun nia nia ema barak terus oin-oin iha tinan barak nia laran maibe ema balu ba eskola iha rai liur no halo planu oin-oin atu hadau saida mak nia diretu iha ukun an nia laran…,senhor Xanana ne’e hanoin duni povu tamba ne’e mak nia luta atu liberta povu mesmu nia dehan uluk katak iha aban bainrua "Traidor sei sai Heri no Heroi sei sai Traidor". Liurai Tasi ne'e afirma liu tan katak agora ita seidauk bele dehan nia diak ou ladiak, nia sei halo funu ho kakutak atu dejenvolve povu no nia moris. Se wainhira ita hatene ona nia (Xanana) ema ida nebe aat dunik halo terus deit povu, ita mak terus nafatin ita hotu hamutuk han tia deit karik la to’o ita, declara Liurai Tasi nebe fo mos fo apoia supranatural ba Senhor PM Xanana mesmu nia la kuinesidu.
(Pm-ed)