Surat deklerasaun nebe hato’o ba Sr Coronel Lere Anan Timor nebe iha tempo neba hanesan Vice Secretario da Zona atu fo sasin kona ba prosesu de assasinato ba vitima nain 15 (sanulu resin lima), husu ba senhor Lere Anan Timor atu esplika no klarifika ba sira nebe mate hanesan reasionarius, nebe maka Fretelin uluk konsidera. Se ohin loron, Fretelin honra no fo valor ba Sr. Francisco Xavier do Amaral, hanesan primeiro presidente no fundador partidu Fretelin nebe mak uluk lidera prosesu ida ne’e, nebe lori konsequensia dijastres (malapetaka) ba Patriota no Nasionalistas barak hanesan sira 15 nebe lakon vida iha Iliomar hamutuk sira seluk tan iha fatin seluk hanesan, Serjentu Aquilies, Serjentu Espirito Santo, Fonciano etc. Dekalarasun nebe hato’o ba media ne’e halao iha Sede ASDT Licidere Dili, Sabadu 17 Outobru 2009 assinadu familia matebian sira hanesan Constantino Nunes Hornai-representante vitima nain 5, Gernano de Castro-representante vitima nain 4, Carsiliano De Oliveira-representante vitima nain 4, no Evangelino Aguas-representante vitima nain 2. Surat declarasaun ida ne’e hato’o ona cc ba Senhor Presidente da Rpublika, Presidente do Partiemento Nasional, Promeiro Ministru, Presidente do Partidu Fretelin, Sekretariu Jeral do Partidu Fretelin no Proklamador da RDTL Avo Francisco Xavier do Amaral. Seidauk iha konfirmasaun ka tanggapan husi governu no Parliementu mos husi Commite Central da Fretelin, maibe Coronel Lere nebe akompanha PR Dr Jose Ramos Horta nebe atu ba Indonesia ba Jornalista TVTL hateten katak ida ne'e direitu familia vitima atu hato'o ba Governu atu hare, Comandante Lere nebe hanesan sasin iha tempo neba katak, "ita dehan halo funu ba ukun an ne'e tenke mate, tamba ne'e dala ruma maun ho alin oho malu fali, maibe hanesan sasin hau prontu fo sasin maibe governy mak iha poder atu esklarese status ba maun alin sira ne'e hotu iha fatin hotu-hotu" dehan Coronel Lere. Iha fatin seluk Familia vitima sira seidauk halao halo'ot ruin tamba seidauk klaru katak sira ne'e heroi da Patria ka saida, depois mak sei halao seremonia familiar atu halo'ot matebian sira nia ruin nebe kuaje ke la hetan hotu ona iha area ailaran fuik iha sub-distritu Iliomar nian. (il-pm)
