Problema "arte marsiais" nebe sempre akontese ho baku malu iha teritorio antes no iha tempu Crise 2006 sai hanesan history, tamba la iha tan problema ruma nebe akontese iha railaran ho label problema grupu nebe deferente ou bele temi dehan entre 77, PSHT, 55, jogu livre, Kork no seluk tan. Parese maun alin sira ne'e arepende ona, tamba ita konta durante "pertikaian" iha pasadu sira nia elementus nebe ke lakon no mate, balu to'o agora tauk la ba sira nia bairo tamba ema la simu sira ho rasaun ema ne'e ho nia grupu iha area neba halo be-beik problema no ema tauk karik ema ne'e mai fali. Bele deskunfia, mais ita hotu hanesan Timor Oan, iha nasaun soberano ida nia laran ita mos tenke iha konsiensia atu simu maluk sira ne'e mai hamutuk fali atu servi. Ita mos presija fo konfiansa ba ita nia PNTL, F-FDTL nebe sei hetan fali mandatu 100% atu halo siguransa iha railaran no ajuda husi UNPOL. PNTL iha ona konfiansa lori fila fali sira knar iha Lautem no Oe-cusse, la kleur tan distritus sira seluk bainhira laiha tan problema ruma mosu. Maibe, keta haluha prblema sa mak atu mosu futuru? iha ona indikasaun katak problema hadau malu rai, uma iha fatin hotu2 (mesmu ke iha knua laran), iha sub-distritus balu iha komesa provoka atu hadau malu ho linha balija ka troka linha entre postu nebe marka iha tempu portugues nian tempu ou antes, dala ruma halo linha balija iha tempo uluk ho funu malu "adu kekuatan" entre Liu Rai no Koronel antigus sira.
Hanoin ida ne'e propoin ba governu atu tau matan no rejolve problema ne'e diadiak tamba bele afeita no hamosu situasaun nebe akontese uluk hanesan temi onaiha leten, presija sosialijasaun Lei Terras e Propriedades iha base no activa ona "early warnning system".
Foto iha leten oinsa PNTL hamutuk autoridade distritu Lautem resolve prolema entre arte marsial no hadame maluk iha fatin. (pm-nic)
No comments:
Post a Comment