Sensasi Krisdaianty – Anang versus Raul Lemos, liberdade ba eis milisia Maternus Bere no projetu gratis ho valor montante $30 milloens ba emprejarius local la dun sai preukupasaun ba Aileba sira iha rai doben Timot Leste. Kestaun sira ne’e barak sai hanesan isu politika ONG no politikus sira nia interese. Maibe ema barak hakfodak tamba iha deskursu Presidente da RDTL Dr Jose Ramos Hora nebe fo atensaun ba iha doadores sira nebe ajuda liu husi akordu bilaterais no ONG sira durante tinan 10 liu ba presija sukat ninia impaktu, no tinan hirak mai Timor Leste sei presija nafatin tulun husi doadores internasionais, maibe osan sira ne’e bele halo buat ruma ba povu Timor Leste. Iha nia intervista ho Caroline Overington husi the Australian (ed 28/7/09) haktuir PR Ramos Horta katak nia la hatene osan sira ne’e ba nebe? Tamba durante tinan 10 liuba osan nebe mai atu tulun Timor Leste kuase USD$ 3-5 Billoens. Iha semana hirak nia laran ONGs sira komesa husi malu atu halau enkontru ho parseirus sira atu deskuti kona ba IMPAKTU (saida mak povu senti) kona ba dejenvolvimentu iha baje, no halau evaluasaun ba programa sira nebe lao dadauk.
Se hanesa ne'e, diak liu Ministru Finansa tenke koordena didiak ba fundus sira nebe mai husi doadores sira no utilija didiak ba areas refere no hamenus konsultant husi rai liur nebe selu osan bo'ot. Sekretariadu ba efektivu ajudus ka Aid Effectiveness for National Priority Secretariate nebe uja ba doadores sira atu aprejenta sira nia programa no fundus ne'e diak tamba iha ona kontrola fundus husi rai liur. Tamba tuir Dr Helder da Costa nebe lidera sekretariadu ida ne'e katak, iha pasadu ministrus sira la hatene osan nebe utilija no mai husi rai liur, nufin iha sira hakfodak ba relatorio sira ikus katak osan barbarak ba halo buat oioin maibe la iha impaktu no faktus.
